28.02.2022. » 22:06
Ballafaqimi me të kaluarën dhe pajtimi në Kosovë duke rritur ndërgjegjësimin për çështjet e personave të pagjetur
Projekti “Ballafaqimi me të kaluarën dhe pajtimi në Kosovë duke rritur ndërgjegjësimin për çështjet e personave të pagjetur”, zbatohet në kuadër të programit të subgranteve “Mbështetje për organizatat lokale të shoqërisë civile – Drejtësia Tranzicionale dhe Iniciativat për Ndërtimin e Besimit në Ballkanin Perëndimor – RECOM Rrjeti i pajtimit”, i mbështetur nga Bashkimi Evropian.
Projekti synon të mbështesë pajtimin në Kosovë duke rritur ndërgjegjësimin e personave të zhdukur nga të gjitha komunitetet, duke identifikuar qëndrimet e qytetarëve ndaj personave të pagjetur dhe pajtimin në Kosovë, duke ruajtur kulturën e përkujtimit të personave të zhdukur dhe duke përfshirë të gjithë komunitetin, shoqërinë civile dhe qeveritë lokale si një hap drejt pajtimit.
Projekti përfshin këto aktivitete:
- Fokus grupet: Pesë fokus grupe me përfaqësues të shoqërisë civile, mediave, akademisë dhe dy grupe të përziera se si të reduktohet politizimi i çështjeve të personave të pagjetur;
- Paraqitjet në media: Dy paraqitje mediatike - prezantimi i konkluzioneve të fokus grupeve dhe tema e ballafaqimit me të kaluarën, të cilat do të diskutohen nga ekspertë dhe aktivistë;
- Konkursi për Shkrim Op-Ed: Tema do jetë, të pagjeturit në Kosovë dhe pajtimi,
- Konferenca përmbyllëse: prezantimi i rezultateve të projektit
Realizimi i projektit filloi më 1 mars 2022 dhe do të zbatohet deri më 16 qershor 2022.