21.12.2023. » 12:52

Kultura integruese për pajtim të komuniteteve minoritare në kosovë

OJQ ACDC shpall iniciativën të fokusuar në nxitjen e bashkëpunimit ndërkulturor ndërmjet të rinjve në Kosovë. Projekti synon të fuqizojë grupet e cenueshme, të promovojë diversitetin ndërkulturor dhe të kontribuojë në përpjekjet e qëndrueshme për ndërtimin e paqes, me fokus të veçant në komunitetet joshumicë në veri të Kosovës.

kultura-integruese-per-pajtim-te-komuniteteve-minoritare-ne-kosove

OJQ ACDC shpall iniciativën të fokusuar në nxitjen e bashkëpunimit ndërkulturor ndërmjet të rinjve në Kosovë. Projekti synon të fuqizojë grupet e cenueshme, të promovojë diversitetin ndërkulturor dhe të kontribuojë në përpjekjet e qëndrueshme për ndërtimin e paqes, me fokus të veçant në komunitetet joshumicë në veri të Kosovës.

Projekti është një reagim ndaj nevojës kritike për të ndërtuar bashkëpunimin ndërkulturor ndërmjet të rinjve, veçanërisht atyre nga komunitetet joshumicë në Kosovë. Projekti është thelbësor për të krijuar mundësi për dialog, shkëmbim idesh dhe ndërtim marrëdhëniesh, duke thyer paragjykimet dhe stereotipet.

Qasja përfshin aktivitete kulturore, sesione dialogu dhe pjesëmarrje në mbrëmje kushtuar kulturës krijuese. Vizitat dhe seminaret ndërkulturore në terren synojnë të fuqizojnë të rinjtë e cenueshëm, duke rritur vetëbesimin e tyre dhe duke ofruar aftësi të vlefshme në letërsi dhe art. Projekti vë në pah gjithëpërfshirjen, duke angazhuar shkrimtarë dhe artistë të rinj nga komuniteti serb, boshnjak, goran dhe rom.

Qëllimi i përgjithshëm është përmirësimi i bashkëpunimit të aktivistëve të rinj të kulturës, veçanërisht atyre nga komunitetet joshumicë, në promovimin e lidhjes për nxitjen e pajtimit dhe bashkëpunimit përmes kulturës.

Objektivat specifike përfshijnë fuqizimin dhe mbështetjen e mëtejshme të autorëve dhe intelektualëve të rinj nga komunitetet jo-shumicë, për t'u angazhuar në një dialog më të gjerë mbi bashkëpunimin kulturor. Projekti synon gjithashtu të kontribuojë në pasurimin e njohurive dhe ndërgjegjësimit të publikut për "pikat lidhëse" ndërmjet pjesëtarëve të komuniteteve joshumicë në kulturë.

Ky projekt është jetik për adresimin e mungesës së bashkëpunimit ndërkulturor në mesin e të rinjve në komunitetet joshumicë në Kosovë. Duke ofruar një platformë për bashkëpunim dhe aktivitete kulturore, projekti synon të promovojë diversitetin, të fuqizojë marrëdhëniet dhe të kontribuojë në përpjekjet e qëndrueshme për ndërtimin e paqes.