Në trajnimin e sotëm me zyrtarët komunalë për të drejtat e njeriut / barazi gjinore / mosdiskriminim / komunitete / kthim nga komunat në veri të Kosovës (Mitrovica e Veriut, Zveçanit, Leposaviqit dhe Zubin Potokut), pjesëmarrësit patën mundësi të mësojnë më shumë rreth koncepteve themelore të gjinisë, barazisë, standardeve ndërkombëtare, si dhe Ligjin për Barazinë Gjinore.
Gjithashtu, pjesëmarrësit patën mundësi të njihen me mekanizma institucionalë që janë të zbatueshëm në praktikë, si dhe çfarë nënkuptohet saktësisht me përdorimin e gjuhës së ndjeshme gjinore.
Ligjëruese në këtë trajnim ishte znj. Marija Raduloviq, Zëvendëse e Avokatit të Popullit të Kosovës, si dhe projekti zbatohet nga Qendra Avokuese për Kulturë Demokratike - OJQ ACDC, me mbështetjen e UNMIK-ut, në kuadër të projektit "Lehtësimi i qasjes në drejtësi dhe promovimi i të drejtave të njeriut në rajonin e Mitrovicës”.
