Në kuadër të projektit "Komuna për Rini (M4Y)", Qendra Avokuese për Kulturë Demokratike ka zhvilluar takim me Kryetarin e Komunës së Vushtrrisë, z.Fеrit Idrizi.
Ekipi i projektit ACDC informoi kryetarin e komunës për qëllimin, planet dhe synimet e projektit. Kryetari u njoftua se projekti që po zbatohet ka për qëllim lidhjen e të rinjve me komunën si dhe mbajtjen e të rinjve në vendet e tyre të origjinës. Sa i përket komunës së Vushtrrisë, aktivitetet e projektit do të fokusohen tek të rinjtë nga territore të caktuara, ndërsa është planifikuar pjesëmarrje e konsiderueshme e të rinjve nga komunitetet joshumicë.
Kryetari Idrizi shprehu interesim të madh për projektin dhe aktivitetet e projektit. Ai në përgjithësi shprehu mbështetjen për projektin dhe tha se do të shikojë në detaje dokumentacionin dhe mundësitë që ofron projekti. Ai theksoi se komuna ka plane për përfshirjen e të rinjve, veçanërisht në trajnimin e të rinjve për tregun e punës, të cilin e konsideron si problemin më të madh dhe shpreson se ky projekt do të mund të lidhet me planet komunale. Një nga qëllimet e projektit M4Y është përmirësimi i bashkëpunimit dhe besimit ndërmjet rinisë dhe pushtetit vendor duke inkurajuar komunat që t'u përgjigjen nevojave të të rinjve përmes shërbimeve të synuara, saktësisht bazuar në kërkesë por edhe institucionalizimin e angazhimit të të rinjve për zhvillim lokal.
Qëllimi kryesor i projektit "Komuna për Rini (M4Y)" është fuqizimi i të rinjve për të marrë pjesë në planifikimin dhe zbatimin e aktiviteteve socio-ekonomike lokale. Projekti kombinon qasje inovative për zhvillimin e komunitetit, angazhimin e qytetarëve, përgjegjësinë sociale dhe zhvillimin e aftësive për të fuqizuar të rinjtë nga grupet e margjinalizuara për të marrë pjesë në aktivitete qytetare, si dhe për të ndikuar në ndryshime pozitive në komunitetet e tyre dhe për të nxitur të rinjtë me të ardhura të ulëta, rinisë periferike dhe rurale (mosha 15-24) nga 10 komuna: Kaçanik, Ferizaj, Hani i Elezit, Junik, Rahovec, Glogovac, Zveçan, Ranillug, Skenderaj dhe Vushtrri.
Nëpërmjet aktiviteteve të ndryshme të ndërtimit të aftësive, vullnetarizmit dhe trajnimeve, projekti do t'u sigurojë të rinjve aftësitë e nevojshme për të hartuar dhe zbatuar në mënyrë efektive projektet e zhvillimit të komunitetit të udhëhequr nga të rinjtë. Të paktën 3000 të rinj do të përfitojnë nga trajnimet për aftësitë organizative dhe komunikuese (duke u fokusuar në udhëheqje, kreativitet, komunikimin dhe punën ekipore), trajnimin për zhvillimin e projektit (me fokus në mobilizimin e komunitetit, përgatitjen, menaxhimin dhe zbatimin e nënprojekteve) dhe trajnimin për monitorimin e pjesëmarrjes. Nëpërmjet këtyre trajnimeve, projekti synon t'u ofrojë të rinjve jo vetëm aftësi organizative, komunikuese dhe teknike, por edhe ato thelbësore që punëdhënësit potencial do t'i vlerësojnë veçanërisht.