22.10.2022. » 15:04 | ACDC
Mbahet konferencë publike mbi korrupsionit
Më 17 tetor, në ambientet e Kolegjit Ndërkombëtar të Biznesit në Mitrovicën e Veriut, OJQ ACDC - Qendra Avokuese për Kulturë Demokratike organizoi konferencën publike mbi korrupsionin.
Më 17 tetor, në ambientet e Kolegjit Ndërkombëtar të Biznesit në Mitrovicën e Veriut, OJQ ACDC - Qendra Avokuese për Kulturë Demokratike organizoi konferencën publike mbi korrupsionin. Panelistët ishin Ill Buleshkaj, drejtor i Agjencisë Kundër Korrupsionit, Adrijana Hoxhiq, nënkryetare e Komunës së Mitrovicës Veriore dhe Natasha Nastiq, drejtoreshë e Departamentit të Buxhetit dhe Financave të Komunës së Leposaviqit. Konferenca kishte për qëllim rritjen e ndërgjegjësimit për rëndësinë e luftës kundër korrupsionit.
Drejtori i Agjencisë Kundër Korrupsionit, Yll Buleshkaj, foli për mandatin e AKK-së në zbatimin e ligjit dhe shtoi se transparenca është faktor kyç në parandalimin e korrupsionit. Kur institucionet janë të hapura për punë, ka më pak korrupsion, beson Yll Buleshkaj. Gjithashtu, ai përmendi se përfaqësuesit e Agjencisë kanë iniciuar takime me të gjitha institucionet me të cilat është i nevojshëm bashkëpunimi.
Nënkryetarja e Mitrovicës së Veriut, Adrijana Hoxhiq, ka konfirmuar se vetëqeverisja lokale që ajo përfaqëson është e gatshme të bashkëpunojë me të gjitha institucionet kompetente. "Besoj se ne si shoqëri jemi të detyruar të japim kontributin tonë dhe se kudo që shohim edhe më të voglën dëshmi të korrupsionit, duhet të raportohet".
Drejtoresha e Departamentit për Buxhet dhe Financa të Komunës së Leposaviqit, Natasha Nastiq, prezantoi problemet me të cilat ballafaqohet vetëqeverisja lokale në Leposaviq dhe përmendi rastin e ndërtimit të një pishine për të cilën janë shpenzuar mbi një milion euro, e që ende nuk është realizuar deri më sot dhe askush nuk ka marrë përgjegjësi.
Të gjithë panelistët inkurajuan dhe ftuan qytetarët që të denoncojnë çdo formë të korrupsionit dhe theksuan domosdoshmërinë e përfshirjes së sa më shumë qytetarëve në procesin e vendimmarrjes.
Gjatë konferencës, e cila shërbeu si ngjarje përfundimtare e projektit Rritja e reagimit institucional ndaj korrupsionit në veri të Kosovës, Drejtori Ekzekutiv i OJQ ACDC, Dushan Radakoviq prezantoi aktivitetet e projektit dhe deklaroi se korrupsioni nuk ka komb, duke vënë në pah se të paktën një rast i raportuar kontribuon për shtypjen e saj.
Lajmet e fundit
