31.10.2025. » 12:27 | ACDC
OJQ ACDC organizoi trajnim për parandalimin e ngacmimit seksual dhe dhunës me bazë gjinore
Në kuadër të aktiviteteve të vazhdueshme të fokusuara në forcimin e kapaciteteve institucionale, më 31 tetor, në hapësirat e OJQ-së ACDC në Mitrovicën e Veriut u mbajt një trajnim i dedikuar identifikimit, reagimit efikas dhe parandalimit të rasteve të ngacmimit seksual dhe dhunës me bazë gjinore.
Trajnimi mblodhi përfaqësues të policisë, Inspektoratit Policor, gjykatës, prokurorisë dhe shoqërisë civile, me qëllim forcimin e bashkëpunimit dhe shkëmbimit të përvojave në ofrimin e mbështetjes për viktimat.
Sesioni u drejtua nga Enver Fejzullahu, drejtor ekzekutiv i Akademisë së Drejtësisë së Kosovës, i cili diskutoi me pjesëmarrësit për përgjigjet institucionale, standardet etike dhe përmirësimin e bashkëpunimit ndërinstitucional në luftën kundër dhunës me bazë gjinore.
Të pranishmëve iu drejtua edhe Vlera Rexha, përfaqësuese e CFLI, fondit që mbështet zbatimin e projektit “Të thyejmë heshtjen: Lufta kundër ngacmimit seksual dhe dhunës me bazë gjinore në veri të Kosovës”, i cili implementohet nga OJQ ACDC.
Lajmet e fundit
