Mjedisi dhe potencialet vendore natyrore

ACDC nxit pjesëmarrjen e qytetarëve, zhvillimin e iniciativave lokale mjedisore dhe menaxhimin më të përgjegjshëm të mjedisit dhe resurseve lokale.

Puna jonë përfshin çështje që lidhen me mbrojtjen e resurseve natyrore, ndotjen, menaxhimin e mbeturinave dhe ruajtjen e hapësirave publike dhe të gjelbra. Vëmendje të veçantë i kushtojmë përfshirjes së qytetarëve dhe të rinjve në identifikimin e problemeve mjedisore dhe zhvillimin e zgjidhjeve lokale, si dhe forcimit të bashkëpunimit me institucionet dhe aktorët e tjerë në këtë fushë.

Përmes hulumtimeve dhe hartëzimit të problemeve mjedisore, edukimit, iniciativave lokale të gjelbra dhe avokimit publik, ACDC kontribuon në rritjen e ndërgjegjësimit dhe pjesëmarrjen më aktive të qytetarëve në mbrojtjen e mjedisit. Mbrojtja e mjedisit krijon gjithashtu mundësi për lidhjen dhe bashkëpunimin e komuniteteve të ndryshme rreth çështjeve me interes të përbashkët.