Në aktivitetin përmbyllës u prezantuan rezultatet kryesore të projektit, aktivitetet e realizuara dhe kontributi i të rinjve, të cilët gjatë muajve të kaluar punuan së bashku për krijimin e një mjedisi më të pastër, më të gjelbër dhe më të rregulluar.
Gjatë projektit u realizuan aksione të përbashkëta pastrimi, u krijuan dhe u rregulluan “Këndet e Gjelbra” në Mitrovicën e Veriut dhe të Jugut, u zhvillua një fushatë ndërgjegjësimi për mbrojtjen e mjedisit, ndërsa përmes serisë “Green Neighbors Talks” u trajtuan tema që lidhen me ekologjinë, aktivizmin rinor dhe bashkëpunimin ndërmjet komuniteteve.
Projekti “Green Neighbors” u zbatua bashkërisht nga organizatat Education Code dhe Qendra për Avokim të Kulturës Demokratike (ACDC), në kuadër të programit BOOST, me mbështetjen e ALDA dhe AFD.