28.02.2026. » 09:44 | ACDC
ACDC organizoi një seri trajnimesh mbi të drejtat pronësore dhe sociale të të rinjve në veri të Kosovës
OJQ ACDC gjatë muajve janar dhe shkurt 2026 organizoi një seri trajnimesh edukative të dedikuara për të rinjtë nga katër komunat veriore të Kosovës: Mitrovica e Veriut, Zveçani, Zubin Potoku dhe Leposaviqi.
Trajnimet u realizuan në kuadër të fushatës së ndërgjegjësimit “Regjistroni pronën!”, me qëllim të rritjes së informimit të nxënësve të klasave përfundimtare të shkollave të mesme nga veriu i Kosovës mbi të drejtat pronësore dhe sociale, si dhe mbi rëndësinë e regjistrimit në kohë të pronës.
Aktivitetet u fokusuan në shpjegimin e koncepteve bazë që lidhen me trashëgiminë, legalizimin dhe regjistrimin e pronës, si dhe në njohjen me të drejtat dhe obligimet që të rinjtë fitojnë pas arritjes së moshës madhore. Përmes prezantimeve të strukturuara, diskutimeve interaktive dhe sesioneve pyetje-përgjigje, pjesëmarrësit patën mundësinë të marrin informacione praktike dhe përgjigje për çështje konkrete nga konteksti lokal.
Gjatë trajnimeve u shpërndanë edhe materiale informative të përshtatura, në mënyrë që pjesëmarrësit të mund të vazhdojnë të informohen edhe pas përfundimit të sesioneve.
Këto aktivitete janë pjesë e projektit “Youth for Property and Social Rights”, i cili synon forcimin e kapaciteteve të të rinjve nga komunitetet jo-shumicë për të kuptuar dhe ushtruar të drejtat pronësore dhe sociale, si dhe për të nxitur besimin ndërmjet qytetarëve dhe institucioneve. Projekti u realizua me mbështetjen e ATRC-së në kuadër të programit PIAKOS.
Lajmet e fundit
