Ndaj lajmin:
Që nga viti 2011, puna jonë ka qenë e përkushtuar forcimit të të drejtave të njeriut, sundimit të ligjit, bashkëpunimit ndërmjet komuniteteve dhe pjesëmarrjes aktive të qytetarëve – veçanërisht të të rinjve – në proceset shoqërore në Kosovë. Gjatë këtyre viteve kemi ndërtuar një rrjet partnerësh, kemi realizuar qindra projekte dhe kemi mbetur të përkushtuar ndaj misionit tonë për të kontribuar në një shoqëri të hapur, të drejtë dhe gjithëpërfshirëse.
Falënderojmë të gjithë ata që gjatë 14 viteve të fundit kanë mbështetur punën tonë dhe kanë besuar në misionin tonë. Ne vazhdojmë përpara me të njëjtën energji, përkushtim dhe bindje se ndryshimi fillon në komunitet.