27.04.2025. » 21:05 | ACDC

Kampi i tretë rinor përfundoi me sukses në kuadër të ciklit të ri të kampeve rinore

Boge, Pejë – Nga data 25 deri më 27 prill 2025, OJQ ACDC organizoi me sukses kampin e tretë rinor në kuadër të projektit "Të rinjtë të fuqizuar përmes shkollave dhe shoqërive gjithëpërfshirëse (YESS)", në vendin Boge, në komunën e Pejës.

kampi-i-trete-rinor-perfundoi-me-sukses-ne-kuader-te-ciklit-te-ri-te-kampeve-rinore — FOTO: ACDC

Ky kamp është pjesë e ciklit të dytë të kampeve rinore, që mbledh një grup të ri të pjesëmarrësve të rinj nga komunitete të ndryshme në Kosovë, me qëllim zhvillimin e aftësive gjuhësore, mirëkuptimit ndërkulturor dhe kohezionit shoqëror.

Gjatë programit treditor, pjesëmarrësit përmirësuan aftësitë e tyre bazë të komunikimit në gjuhën serbe dhe shqipe përmes punëtorive dygjuhësore, duke u fokusuar në situata praktike që nxisin mirëkuptimin ndërkulturor dhe forcimin e respektit të ndërsjellë.

Përveç punëtorive gjuhësore, të rinjtë patën mundësinë të lidhen me natyrën përmes një sesioni pranveror të jogës, duke mësuar pozicionet bazë të jogës dhe duke krijuar hapësirë për relaksim, energji pozitive dhe shpirt të ekipit.

Gjithashtu, pjesëmarrësit, përmes një sesioni të veçantë, punuan në ekipe duke identifikuar sfidat në komunitetet e tyre dhe duke krijuar ide inovative dhe praktike për tejkalimin e tyre.

Ky kamp është pjesë e përpjekjeve më të gjera për fuqizimin e të rinjve dhe nxitjen e bashkëpunimit ndërmjet pjesëtarëve të komuniteteve të ndryshme përmes aktiviteteve edukative, interaktive dhe gjithëpërfshirëse.

Programi zbatohet në kuadër të projektit "Youth Empowered through Inclusive Schools and Societies (YESS)", i financuar nga Fondi i Sekretarit të Përgjithshëm të OKB-së për Ndërtimin e Paqes, dhe zbatohet nga UNICEF dhe IOM Kosova.