05.12.2025. » 14:09 | ACDC
Nga mbeturinat në art: U prezantua skulptura mjedisore e krijuar pas pastrimit të Ibrit
Nga mbeturinat e mbledhura përgjatë brigjeve të lumit deri te një vepër arti që rrit ndërgjegjësimin për përgjegjësinë mjedisore.
Në kuadër të Javës së Zhvillimit të Qëndrueshëm të Kosovës, së bashku me të rinjtë, partnerët dhe artisten Miljana Gjundjerin, dje prezantuam një skulpturë mjedisore të krijuar nga mbeturinat e mbledhura gjatë aksioneve të fundit të pastrimit të lumit Ibër.
“Ibri është një pasqyrë ku civilizimi e ka zëvendësuar ndërgjegjen me komoditetin. Ndotja e Ibrit nuk është vetëm papastërti në ujë, por gjurma e indiferencës sonë”, theksoi artistja Miljana.
Njëra nga pjesëmarrëset e reja, Marija, shtoi:
“Çdo copë mbeturine që hedhim në vendin e gabuar i bën dëm natyrës. Nëse kujdesemi për natyrën, edhe ajo do të kujdeset për ne.”
Skulptura është rezultat i disa javëve të aktiviteteve – nga trajnimet mjedisore për të rinjtë deri te aksionet e përbashkëta të pastrimit përgjatë brigjeve të lumit Ibër.
I falënderojmë të gjithë pjesëmarrësit, artisten, vullnetarët dhe partnerët që kontribuuan në këtë proces dhe treguan se si përpjekja kolektive mund të krijojë një ndryshim të dukshëm dhe frymëzues!
Lajmet e fundit
