07.08.2025. » 13:56 | ACDC


Thirrje e Hapur për Raundin e Tretë të Kampeve Rinore!



OJQ ACDC ka kënaqësinë të shpallë raundin e tretë të kampeve rinore gjatë fundjavës dhe fton të rinjtë e moshës 13 deri 18 vjeç nga komunitete të ndryshme etnike në Kosovë të aplikojnë!

thirrje-e-hapur-per-raundin-e-trete-te-kampeve-rinore
FOTO: ACDC

Kampet kanë për qëllim përmirësimin e aftësive gjuhësore dhe të komunikimit, promovimin e dialogut ndërkulturor, forcimin e punës në grup dhe krijimin e miqësive të qëndrueshme ndërmjet të rinjve nga prejardhje të ndryshme.

Detajet e kampit:

  • Lokacionet: zona të ndryshme në gjithë Kosovën
  • Akomodimi: hotele me ushqim të plotë (pansion të plotë)
  • Aktivitete: punëtori gjuhësore, ushtrime ekipore dhe sesione kulturore e kreative
  • Datat: do të shpallen së shpejti

Kush mund të aplikojë?

  • Të rinjtë e moshës 13–18 vjeç
  • Inkurajim i veçantë për vajzat dhe të rinjtë nga komunitetet jo-shumicë
  • Aplikuesit duhet të jenë nga komunat pilote të projektit: Graçanicë, Gjilan, Kamenicë, Obiliq, Mitrovica e Veriut, Mitrovica e Jugut, Zubin Potok, Prizren, Shtërpcë, Dragash dhe Lipjan
  • Motivim për të mësuar rreth kulturave dhe gjuhëve të ndryshme
  • Gatishmëri për të bashkëpunuar dhe punuar në ekip me bashkëmoshatarë nga komunitete të tjera

Si të aplikoni?
Plotësoni formularin online të aplikimit në këtë link:

LINK

 Afati për aplikim: 22 gusht 2025

Për më shumë informacion kontaktoni: aleksandar.rapajic@acdc-kosovo.org

 

Kampet janë pjesë e projektit “Të Rinjtë të Fuqizuar përmes Shkollave dhe Shoqërive Inkluzive (YESS)”, i financuar nga Fondi i Sekretarit të Përgjithshëm të OKB-së për Ndërtimin e Paqes dhe i zbatuar nga UNICEF dhe IOM Kosova.