21.04.2026. » 11:37 | ACDC
Tryezë e rrumbullakët 24 prill 2026, CEC – Civic Energy Center, Mitrovica e Veriut 11:00 – 13:30
Organizata joqeveritare Advocacy Center for Democratic Culture (ACDC) ju fton me kënaqësi të merrni pjesë në tryezën e rrumbullakët mbi të drejtat e njeriut, e organizuar në kuadër të projektit “Ndërtimi i besimit përmes të drejtave të njeriut”.
Qëllimi i tryezës së rrumbullakët është të mbledhë përfaqësues të komuniteteve lokale, shoqërisë civile dhe institucioneve të nivelit qendror për të diskutuar çështjet aktuale të të drejtave të njeriut. Theks i veçantë do t’i kushtohet Ligjit për të Huajt dhe Ligjit për Automjetet, përfshirë dispozitat që kanë hyrë në fuqi më 15 mars. Tryeza do të trajtojë gjithashtu çështjen e regjistrimit civil për personat pa shtetësi të Kosovës, pasi ky proces është i lidhur ngushtë me një sërë sfidash të tjera ligjore dhe praktike, si dhe kufizimet për automjetet me targa të huaja deri në maksimum tre muaj dhe ndalimin e drejtimit të automjeteve në bazë të autorizimeve. Këto masa kanë ndikim disproporcional, veçanërisht në komunitetin serb.
Qëllimi ynë është të vlerësojmë se si këto procese janë zbatuar deri më tani në praktikë, si dhe t’u ofrojmë qytetarëve mundësinë të paraqesin problemet me të cilat përballen dhe të cilat nuk kanë mundur t’i zgjidhin.
Panelistët:
- Z. Jetmir Haziri- Drejtor i Përgjithshëm i Agjencisë për Regjistrim Civil (TBC)
- Znj. Jeta Tela - Ministria e Punëve të Brendshme (TBC)
- Z. Veton Elshani - Zëvendës Drejtor i Policisë për Rajonin e Veriut të Kosovës (TBC)
- Përfaqësues të komunave Mitrovicë e Veriut, Leposaviq, Zubin Potok dhe Zveçan
- Z. Dušan Radaković - Drejtor Ekzekutiv i OJQ ACDC
- Znj. Ines Aljović Mihajlović - Moderatore
Diskutimi do të mbahet më 24 prill 2026, në ora 11:00 në CEC – Civic Energy Center në Mitrovicën e Veriut.
Lajmet e fundit
