19.10.2025. » 18:13 | ACDC
U realizua me sukses cikli i tretë i kampeve rinore të ACDC-së
Nga 17 deri më 19 tetor 2025, OJQ ACDC organizoi kampin e dytë të serisë së tretë të kampeve rinore në Brezovicë. Të rrethuar nga peizazhe mahnitëse malore dhe ngjyrat e vjeshtës, të rinj nga komunitete të ndryshme u mblodhën për të mësuar, për të krijuar lidhje dhe për të eksploruar fuqinë e gjuhës dhe dialogut në ndërtimin e mirëkuptimit të ndërsjellë.
Gjatë kampit, të rinjtë morën pjesë në aktivitetet krijuese dhe bashkëpunuese, duke hulumtuar mënyrat se si gjuha dhe kultura mund të afrojë njerëzit. Ata ndanë histori, tradita dhe përvoja nga komunitetet e tyre, duke nxitur dialog, mirëkuptim dhe ndjenjë të lidhjes. Nëpërmjet një sërë detyrash krijuese, lojërave interaktive dhe projekteve të përbashkëta, pjesëmarrësit krijuan postera dygjuhësorë dhe punime artistike që simbolizojnë vlerat e përbashkëta dhe mesazhet e solidaritetit.
Kampi tregoi se gjuha dhe kultura përfaqësojnë mjete thelbësore për ndërtimin e një shoqërie më të lidhur dhe më tolerante, në të cilën të rinjtë zhvillojnë aftësinë për të kuptuar dhe vlerësuar perspektivat e të tjerëve, për të ndërtuar besim dhe për t’u bërë nxitës të ndryshimeve pozitive në komunitetet e tyre.
Ky program është pjesë e projektit "Të rinjtë e fuqizuar përmes shkollave dhe shoqërive gjithëpërfshirëse (YESS)", i cili financohet nga Fondi i OKB-së për Ndërtimin e Paqes i Sekretarit të Përgjithshëm dhe zbatohet nga UNICEF dhe IOM Kosovo.
Lajmet e fundit
