10.06.2023. » 14:54 | ACDC
Konferenca për Diskriminimin në Kosovë: Hulumtim dhe Rekomandime për Avancimin e të Drejtave të Njeriut
Më 8 qershor, në Prishtinë, OJQ ACDC organizoi konferencën me fokus në adresimin e çështjes së diskriminimit në Kosovë.
Më 8 qershor, në Prishtinë, OJQ ACDC organizoi konferencën me fokus në adresimin e çështjes së diskriminimit në Kosovë. Paneli përbëhej nga Frank Power, Shef i Zyrës së Këshillit të Evropës në Prishtinë, Art Vula, Koordinator i Programit në Iniciativën Rinore për të Drejtat e Njeriut (YIHR) dhe Dushan Radakoviq, Drejtor Ekzekutiv i OJQ ACDC.
Gjatë fjalës hyrëse, Dushan Radakoviq prezantoi hulumtimin mbi Diskriminimin në Mitrovicën e Veriut, të kryer nga ACDC në prill të vitit 2023. Analiza kishte për qëllim adresimin e çështjeve të diskriminimit në Mitrovicën e Veriut dhe ofroi njohuri mbi perceptimet e qytetarëve dhe njohuritë e legjislacionit ekzistues kundër diskriminimit. Gjatë prezantimit të tij, Radakoviq theksoi gjetjet e hulumtimit, duke treguar se të anketuarit shprehnin një nivel të ulët besimi në institucionet e Kosovës, ku diskriminimi ishte më i përhapur në forcat policore. Analiza e hulumtimit përfshinte gjithashtu rekomandime për autoritetet lokale dhe qendrore, si dhe organizatat joqeveritare dhe ndërkombëtare, në lidhje me luftimin e diskriminimit.
Radakoviq më tej njoftoi planet për një analizë gjithëpërfshirëse të besimit të qytetarëve në polici dhe gjyqësor, veçanërisht pas largimit të serbëve nga institucionet e Kosovës në nëntor 2022.
Frank Power, shef i zyrës së Këshillit të Evropës në Prishtinë, prezantoi projektin "Promovimi i të drejtave të njeriut dhe parimeve të mosdiskriminimit në nivel lokal", i mbështetur nga UNMIK-u, i cili synon të kontribuojë në përmirësimin e të drejtave të njeriut. Power, deklaroi se Komiteti për Mbrojtjen e Komuniteteve Pakicë në Këshillin e Evropës është për të fuqizuar komunitetin serb dhe për t'i përfshirë ata në procesin e pajtimit, për të rritur zhvillimin e kapaciteteve të anëtarëve të dhe për të përmirësuar pajtueshmërinë me Ligjin për përdorimin e gjuhës.
Art Vula nga Nisma e të Rinjve për të Drejtat e Njeriut në Kosovë prezantoi një përmbledhje të gjetjeve kryesore të Raportit të Shoqërisë Civile për të Drejtat e Njeriut në Kosovë në vitin 2022. Vula, theksoi se zbatimi i Ligjit për Mbrojtjen nga Diskriminimi, edhe pse në përputhje me standardet evropiane, është i kufizuar dhe diskriminimi në bazë të përkatësisë etnike mbetet një çështje kryesore në Kosovë.
Të pranishmëve i'u drejtua edhe zëvendëskryeministrja e Kosovës, Emilija Rexhepi, e cila theksoi rëndësinë e luftës kundër diskriminimit, dënimin e gjuhës së urrejtjes dhe nxitjen e zhvillimit të një shoqërie në harmoni.
Znj. Rexhepi shprehu shqetësimin për vazhdimin e paragjykimeve ndaj grupeve të ndryshme etnike në Kosovë dhe theksoi nevojën për t'i thyer këto paragjykime përmes përpjekjeve institucionale, duke përfshirë potencialisht dënime më të rrepta për ata që bëjnë sjellje diskriminuese.
Konferenca u organizua në kuadër të projektit “Promovimi i të drejtave të njeriut dhe parimeve të mosdiskriminimit në nivel lokal, i realizuar nga OJQ ACDC dhe i mbështetur nga Zyra e Këshillit të Evropës në Prishtinë.
Lajmet e fundit
